夏尉喻（Barbie）及石天欣早前化身聖誕女郎跟《蘋果》讀者賀聖誕，雖然今年二人要於工作中度過佳節，不過她們均表示會提早跟家人慶祝。正進修廚藝的Barbie，表示自己以煎三文魚最為拿手，問到她進修廚藝是否為了留住男友？她笑說：「如果有男友都唔介意煮畀佢食，因為呢半年自己搬咗出嚟住，所以先學煮嘢食照顧自己。」提到過往收過最難忘的聖誕禮物？Barbie搞笑表示：「一個粉紅色耳筒，其實我個人好心急，每年收到禮物都會等唔到Boxing Day先拆，我一定會偷偷拆，然後再包返好，等到26號再同大家拆多次。」
剛離開了無綫的石天欣，坦言工作機會多了，她指現時最希望能衝出香港，回內地拍劇。過往均是飾演被強暴的女學生，石天欣笑指擔心觀眾會厭倦，故希望演些正常角色：「以前覺得演唔正常嘅角色就最好，但呢幾年試得太多，所以希望嚟緊做返啲正常嘅。」
撰文：譚倩宜
場地提供：時代廣場