巴塞隆拿中場沙維日前批評基斯坦奴朗拿度（C朗）唔配入金球獎三甲，「第一個揀美斯，第2個係拿姆，第3個就係馬斯真蘭奴。」咁C朗呢？沙維就話：「C朗喺世盃冇表現。我認為喺世盃年，世盃嘅份量應該係全年最重。」票又投晒，C朗真係睬你沙維都儍，一於帶埋屋企人去度假，遠離啲是是非非，佢星期二仲放咗張合照上社交網站（圖），同留言：「趁放假，輕鬆吓，開心吓，真在太好嘞！」
巴塞最近除咗有沙維講嘢，仲有美斯、馬斯真蘭奴同埋蘇亞雷斯，不過佢哋3個口才就麻麻哋，拍段片講聖誕快樂都NG好多次，但相信巴塞球迷都收到佢哋嘅心意。除咗得把口講，蘇亞雷斯仲真金白銀，捐咗500個聖誕大禮包返烏拉圭嘅醫院，等有病嘅小朋友可以同屋企人開心過聖誕，認真唔話得。
識睇，一定係睇足英台【英波Live】：
http://soccer.appledaily.com
http://bit.ly/engballlive