王菲之前去完老友劉嘉玲生日Party後就返咗北京，原來最近佢又去咗印度。一向篤信佛教嘅阿菲，呢兩天畀網友目擊佢現身印度，參加法王嘅祈願法會，阿菲身穿寬鬆毛衣長裙，仲好似少女咁束咗兩條鬢辮，網友見到阿菲呢個造型都大讚佢可愛。不過，網友又留意到阿菲時不時都攞住手提電話左按右按，話佢一定係同男友謝霆鋒互發訊息談情。