係人都知「大眼」同「賣菜佬」單戀情，唔少人都覺得好奇怪，以賣菜佬身邊錢多女多嘅往績，一般佢都係一買一賣乾手淨腳，只有佢老婆至可以綁到佢。所以唔知大眼有乜嘢方法可以令賣菜佬買樓畀佢，仲出雙入對成個阿嫂咁周圍飛。早前就有人八畀關仁知，原來大眼搭上賣菜佬之後，唔止日日捉佢起身晨運跑步，要佢過正常生活，出埠行街亦都唔係去濕平咁膚淺，而係帶賣菜佬睇藝術展品同博物館，大眼仲化身講解員每樣展品講解。對過慣日夜顛倒、刀光劍影生活嘅賣菜佬嚟講覺得好新鮮，仲當正大眼係女神，有知識有文化，搞到自己成個人都升咗呢。
撰文：關仁