周日(28日)沙田馬場上演九草兩泥賽事，查去年12月29日最後一次賽事，草地亦係用B加2欄，當日七場轉彎路程賽事，頭馬全部是守前四名入直路下建功，其中「龍東至尊」、「邦之星」及「川河首駒」更加係一放到底，可見前置馬優勢甚大，留得太後好蝕底。
今戰列陣馬中，尾場「豪逸」上仗正是於田草B加2欄擺前走贏馬，勝後等番同一移欄先再跑，肯定有心添食。另外，第八場「金像神話」係全場唯一贏過田草B加2欄之參戰馬，憑較佳場地性能，有力贏馬補中。
泥地方面，今季泥地日賽中距離利追唔利放，剛戰「準備就緒」就係最佳例子，頭場「好爽趣」及第五場「自動導航」等擅跑泥地之後上馬，值得優先留意。