過聖誕，絕對唔係人類嘅專利囉！海洋公園動物謢理員今年花盡心思，為園內嘅動物大派聖誕禮物。好似大熊貓盈盈咁吖，獲贈謢理員以毛巾、水果同高纖維餅乾製作嘅雪人布偶過冬，令盈盈愛不釋手，仲不停聞吓係乜東東。小熊貓聰聰就收到用高纖維餅乾及蔬菜焗製嘅薑餅人，等佢可以大擦一餐。
海洋劇場嘅海獅Terry，一樣有份，就係可以「聽」護理員喺身邊同佢講聖誕童話故事。海獅同海豹則喺冰屋、聖誕樹同巨型禮物包圍下，同護理員一齊聖誕party。有護理員更加化身聖誕老人，為企鵝送上聖誕大餐。嘩，有禮物收喎，難怪企鵝仔都圍住聖誕老人攞禮物啦。