海洋公園向來着力吸引內地客，但原來園方近年積極開拓印度市場，過去六年間，去過海洋公園嘅印度遊客勁升三倍，成為中國以外嘅三大海外市場之一。
海洋公園噚日仲正式委任Nijhawan集團為印度營銷及市場推廣代理，集團行政總裁Ankush Nijhawan話喎，睇番數據，今年首半年訪港印度旅客人數按年上升14%，預計2020年印度出境旅客人數將會增至5,000萬。而為咗令印度遊客賓至如歸，海洋公園更專程請咗來自印度嘅廚師烹調印度菜（圖），以後遊客喺園內可以食到地道印度菜，有五款套餐，包括素菜、耆那素菜、自助餐等任君選擇。