山頂盧吉道27號大宅將會改建做文物精品酒店，但居民擔心酒店帶來交通問題，影響附近寧靜環境，有12萬人簽名反對。立法會議員鍾國斌、陳家洛及同埋王國興噚日同運輸署、規劃署等官員一齊視察（圖），遇上團體攔途抗議反對改建。酒店計劃原定明年1月2日審議，申請人今個月5號要求城規會押後審議，以便提供新增資料。政府就初步支持有關發展。
運輸署官員話酒店申請人已經讓步，周末同假日唔會開車使用盧吉道。王國興就建議酒店改用人力車或抬轎接送客人。陳家洛認為盧吉道應列為保育道路，禁止行車，等公眾可以安心漫步欣賞維港景色。