「星二代」人所皆知梁家輝有一對索爆超似樣嘅孖女，大女Nikkie喺加拿大修讀藝術學位，一向大方去愛，不時喺instagram大晒同男友嘅親密照， 戀愛大過天之餘，都有顧下爸爸嘅心情，早兩個禮拜先一家人坐頭等去咗日本旅行，嘆壽司、shabu shabu兼擦蟹，仲同爸爸梁家輝一齊去神社掛牌仔許願，唔知Nikkie係唔係希望同男友愛得再sweet啲呢?
Nikkie前日仲喺 instagram上載咗一堆同男友溫馨時刻嘅舊相，當然就冇擺早前閃po秒刪同男友貼胸共浴照，綿綿情話隔mon慶祝佢哋嘅13個月紀念日，Nikkie留言告白道：「Through all the ups and downs, the love I have for you just grows stronger and stronger everyday. You've taught me so much and encouraged me to do things I never had the courage to do. Wish I could spend this special day with you Mcstdreamy bubba!! Happy 13 months and many many more to come!!(走過高低起伏，我對你嘅愛每日增加，你教懂我許多事，還給我勇氣去嘗試過去未曾做過嘅事情，希望我能同你度過這個特別嘅日子，13個月紀念 日快樂！未來我們仍會繼續愛下去)。」閃死人!真係甜到入心，男友一定感覺到佢嘅愛喇!