亞視至今仍未能向員工發放11月薪金，隨時可能違反發牌條款，再加上早前亞視股東蔡衍明在接管亞視一案，爆通訊局初步建議政府不向亞視續牌，外間均認為除非有人肯接手亞視，否則亞視難逃「執笠」，但有政界中人認為，政府高層因政治考慮，不想亞視「摺埋」，但若強行續牌，又必引起民憤，「真係續又死、唔續又死」。
有知情人士對季陶說，兩間電視台的牌照都將於2015年11月底屆滿，根據以往做法，行會應在今年底決定是否續牌，因法例規定要12個月前通知相關機構，但據知因亞視續牌屬高度政治敏感，聽聞政府極高層對拒向亞視續牌建議有保留，所以想「拖得一時得一時」，希望亞視有新股東打救，那就有理由重議亞視續牌問題。
恐惹市民上街抗議
事實上商經局指《廣播條例》容許行會為遵守「12個月通知期」法例要求，可延展牌照期限說法，就是為行會拖延做決定提供法理基礎。
但該知情人士稱，看目前亞視一再拖糧，明顯無法找到新股東接手，「行會冇可能拖得太耐唔做決定」，但若情況不變，特首會同行政會議仍決定為亞視續牌，「咁隨時又有大班市民上街抗議，萬一又有人佔領就唔知點收科」；若決定不續牌，就算政府已發兩個免費電視牌，始終不能取代以大氣電波廣播的亞視，「到時政府點樣應變、點樣避免市民剩番無綫一個台睇、係咪要再發以大氣電波廣播嘅免費牌？真係續又死、唔續又死」。
季陶