【估你唔到】
老爺車展上有一部1969年白色平治掛住「CK1038」車牌，須知道1038係「小超人」李澤鉅做主席嗰間長江基建（1038）嘅股票編號，CK又可以係Cheung Kong嘅簡稱，唔通小超人除咗搵刁、搵錢之外，仲鍾意玩古董車？
查一查車牌資料，竟然有更有趣嘅發現，呢架車原來係信置（083）老闆黃志祥同佢36歲嘅大仔黃永光㗎，而參加得呢個老爺車展又一定係「香港老爺車會」嘅會員，黃永光就係會員，原來佢先至係鍾意玩古董車嗰個人，認真估佢唔到。之但係，點解佢會用呢個車牌㗎呢？唔通專登做嚟掩人耳目？