63歲嘅上海商業銀行財資業務處總監黃冠球上月中榮休，退休後已經返咗加拿大潛修哲學同嘆世界，佢喺上商財資部阿頭個位，亦都終於有接班人就任嘞。聽聞，此君正是工銀亞洲前金融市場部主管黎健生，仲會好快正式履新。
黎健生大約50出頭，曾任職渣打炒房，2008年初，獲時任工銀亞洲董事兼副總經理黃遠輝，從交行香港分行資金部撬走，過檔工銀亞洲掌舵炒房。
黎健生年前才離開工銀亞洲，休養生息，今次復出財資界，適逢近期環球市況異常波動，相信佢可以再度大展拳腳。
講番佢嘅前任黃冠球，呢位本地第二代華人財資主管，可謂炒房界奇人，堂堂賓架，鍾意落灣仔修頓打籃球，唔知黎健生又有乜嘢特別興趣呢？