在中國尚未崛起前，臨近年尾的時間，基金朋友通常都是「你眼望我眼」，等放假、等聖誕、等倒數及等食大餐，人人無心戀戰，一心埋數等收花紅。不過，在沒有慶祝聖誕節習慣的中國崛起後，一切都變了。有基金朋友謂，在中國投資者積極參與的情況下，真的「望少眼都唔得」，連「假都無得放」。
此話何來？朋友指，在全球都圍着美國「團團轉」的日子，大家都過得很簡單，只要跟着美國假期走就好了。總而言之，一到12月就準備好粉飾櫥窗，然後就放聖誕假，新一年回來才「再戰江湖」。現在大家當然可以繼續放假，但就已變成無時無刻都要睇住部黑莓手機，免得放假時「跌死」也不知道。
朋友稱，就好像上周四突如其來的比亞迪（1211）離奇急瀉事件，聽聞有基金經理，就算遠在歐洲睇雪，都要在雪地上「浪漫」地不停發出電郵，查詢比亞迪發生什麼事。最後雖發現急跌是由內地投資者被斬倉所致，但這樣已令當日的活動及假期心情全數「報銷」，真不幸。
密西比