【本報訊】陳允中在今年7月2日「預演佔中」、以至本月11日金鐘清場，也堅持留守到最後一刻被捕。對於有佔領者批評被捕做法有問題，陳直言反對這種「不被捕主義」，因為可預見的將來，中共的維穩網只會越收越緊，稱到時「只有維穩者唔會被捕」，作為一個民主支持者、反抗者，被捕是無法避免。
中共收緊維穩網
陳允中直言被捕非白白犧牲，但因中共維穩網不斷收緊，「今時今日同之前玩法唔同，我哋唔係民主社會，係極權下嘅假民主社會」，若要準備做一個反抗者，一個民主派，「被捕係一定預咗，如果你冇預咗被捕，咁你唔好玩呢個遊戲，最安全係做維穩。」
陳笑言十分膽小亦非激進，只是「準備得好」，「清楚知道我係同極權做對抗，所以我係隨時ready冇咗份工，隨時ready去坐監，當你底線定得低就唔驚。」
陳允中在金鐘清場被捕時，他形容清場前一天心情好輕鬆，因為得悉學聯花很多時間游說勇武派「唔好做危險嘅事造成被暴力」，又認為非暴力是必須，「你想像吓，如果金鐘收場同旺角一樣，日日都負面新聞啦，我哋不合作運動點開展到？𠵱家約章運動、不合作運動都可以開波，我可以笑住被拉。」