因同韓國天團BIGBANG隊長G-Dragon傳出戀情，而人氣急升嘅水原希子，向來行事風格都受不少非議。日前她喺網上Po出下體特寫照，再度引起睇唔過眼嘅網民鬧爆，幸好最後發現只係一場誤會。
水原希子12月15日po喺Instagram嘅相，相中的模特兒只著住內褲且腿張開，下體近鏡的程度，就連肌肉凹凸位都一清二楚，另外有條彩就喺正中央。水原以「I'm in love with the rainbow(我愛上了這道彩虹)」為相嘅標題，同時標簽咗一個瑞典攝影師Lina Scheynius。
張相出咗街之後，網友懷疑水原希子自拍私處Po上網，直呼接受唔到呢種行為，留言炮轟佢惡心、不知羞恥，甚至直批配唔上G-Dragon。不過，水原希子隨即澄清，話張相其實係出自Lina Scheynius手筆，而唔係佢本人影嘅，請大家放心同埋唔好再反應過度，又話每個人價值觀唔同，希望網民可以理解佢欣賞藝術嘅角度。