萬達商業（3699）明天掛牌，竟然可以令到阿里巴巴創辦人馬雲再次成為焦點，大家都關注萬達上市會否令董事長王健林嘅身家上升，繼而超越馬雲做中國首富。
不過馬雲似乎都係關心直接對手多啲，佢接受《福布斯》中文版訪問時，講到自己喺阿里嘅作用，就話如果佢離開公司，公司受影響大約20%至30%，如果騰訊（700）冇咗老闆馬化騰呢，影響就有50%至60%嘞。
馬雲咁講，其實都係想為阿里嘅合夥人制度護航，指公司一早就準備好接班人，而係有一班人負責管理，並非只得一個人話事，即使冇咗佢，公司都唔會冧檔咁解。話雖如此，佢又話喎，「如果（公司冇咗佢）一點反應都沒有，那說明我白活了。」真係乜都俾佢講晒。