模媽趙嘉懿和丈夫黃祖耀昨日帶同大仔Marcus到星匯居一活動中心出席親子活動，4歲半的Marcus面對鏡頭表現得精靈又活潑，早年已拍廣告，一嘗做小明星的滋味，趙嘉懿昨日表示不抗拒囝囝當童星，她說：「囝囝好鍾意面對鏡頭，佢鍾意喺舞台度跳舞、影相同埋表演，慢慢佢大個仔又覺得有自己style，我唔介意佢做童星，唔好影響學業就冇問題。」
趙嘉懿昨日並沒有帶同6個月大的細女Gabrielle出席親子活動，她透露雖然妹妹年紀還細，但她已感受到囡囡有貪靚的一面，她說：「一幫佢着裙扮靚佢就會笑，踢晒腳，好開心。」朱薰昨日亦帶同快將2歲囝囝現身活動，享受親子樂。
採訪、攝影：卓寶花