【壹週刊】稻香酒樓近年水準唔太掂，食落只係好過翠華少少，不過小記最近都發現驚喜，上星期，有朋友帶小記入火炭稻苗學院一間叫「聚薈」嘅稻香訓練酒樓見識一下，呢間酒樓一般稻香師傅，要係到學滿師先俾出去開工；現職師傅亦久唔久要入黎「補鐘」。
咪以為係學校就會馬虎，入面骨緻過唔少正式稻香架，坐係「聚薈」，你會見到師傅係Open Kitchen 煮野俾你食，廚房十分光猛乾淨，員工態度都好友善。
「聚薈」仲有唔少新奇菜式，當中至耍家就係冰鎮咕嚕肉。除此以外，仲有今個月賣緊嘅千島蜜桃脆蝦球、薑汁炸鮮奶，以及圓肉杞子粥水浸海星班。各位要食就快手訂位，皆因佢每個幾月就會轉菜單，一般小菜都係八、九十蚊，價錢相當大眾化。想食就要先訂位，不過「聚薈」只招待會員，想試另類稻苗初體驗，依一舊水唔慳得啦。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/