張茆嘅微博名就叫做「神奇的阿茆茆」，呢個名真係冇改錯，因為佢真係好神奇，講緊嘅係佢嘅身形。因為喺9月嘅時候，張茆就生咗BB，但佢生完好似冇生過咁，無論上圍、腰圍同下圍都係咁正，係唔係好神奇呢？
而喺日前張茆又貼咗佢嘅靚相，其中仲見到深長嘅事業線，同埋條完全唔似生過嘅腰。其實張茆並唔係晒命，而係晒衫，因為佢影嘅相，全部都係佢間舖嘅衫，有條咁深長嘅事業線，啲事業一定好好啦。
而另一位人母張栢芝，又有網民喺新加坡影到佢喇。佢著住一件小背心，紮咗個馬尾髮型，不過最令人留意嘅，就係栢芝嘅上圍。平時收收埋埋，但今次張相就見到佢升cup唔少咁喎。兩個都係人母，又係姓張，身材都係咁正。