槍手們已經飢渴難耐，周日將發炮轟炸晏菲路！阿仙奴前鋒基奧特傷癒復出後狀態大勇，加上阿歷斯山齊士、辛迪卡索拉兩大進攻猛將，相信今仗不難攻破由巴利鍾利鎮守的利物浦大門；不過，他們同時有阿迪達及哥斯尼兩員中後場大將缺陣，料難保清白之身，捧入球「大」更穩陣！（球賽編號：星期日22；now621台明日0:00am直播）
阿仙奴在上月底回勇，近6場比賽取得5勝1負的佳績，包括近兩仗都以大比數擊敗對手，先在歐聯作客以4:1大勝加拉塔沙雷，在上輪聯賽主場亦以同樣比數擊敗紐卡素。法國前鋒基奧特在傷癒後越踢越好，上場在「喜鵲」身上梅開二度，至於西班牙中場辛迪卡索拉近3場入3球，二人腳風相當順。
儘管兵工廠仍有奧斯爾及禾確特養傷，但前場人才濟濟，早已習慣兩人缺陣的日子，例如智利的阿歷斯山齊士完美地融入了球隊的戰術，並暫以9球成為陣中的聯賽神射手。
韋碧克、普多斯基及祖爾甘保等亦可候命，當中韋碧克踢法爛打，相信正選機會較大，普多則擔任後備奇兵。
阿仙奴後防仍存隱憂
前鋒雖勇猛，後防卻有隱憂。縱使哥林張伯斯停賽後復出，令阿仙奴後防兵源較充裕，但中堅哥斯尼的受傷影響太大，無論是迪保治，還是張伯斯合拍梅迪薩卡鎮守中路，都難予人信心。他們近3場比賽皆開「大」，包括對史篤城失3球，以2:3落敗，之後兩場對加拉塔沙雷及紐卡素雖然大勝，但後防都有失球。
防中方面，阿迪達、艾朗藍斯及韋舒亞受傷，單靠法米尼支撐大局，幸賽前消息指，阿歷士張伯倫有望趕及傷癒，可以夥拍法米尼。往績方面，兩隊近6次交手4次開「大」。
利物浦續用副選門將
利物浦有儘管有巴洛迪利停賽，但影響不大，因為有傳領隊羅渣士已經對這名意大利前鋒失去信心，估計紅軍今場續用無鋒陣，靠上周中英聯盃梅開二度的史達寧打正選，與拉爾拉拿及菲臘比古天奴攻堅。史達寧靈活而技術好，早前對曼聯的後防帶來極大麻煩，今場面對身型高大但笨重的梅迪薩卡，相信可以佔到甜頭。
不過，今季紅軍後防表現實在太差，而且今場難以排出最強陣容，格連莊臣肯定缺陣，而洛夫雲亦很大機會避戰，預計高路托尼、史卡迪爾夥拍久疏戰陣的馬馬度沙高踢3中堅，加上羅渣士堅持起用副選門將巴利鍾斯把關；以這條防線的質素，恐怕難阻阿仙奴。文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive