連詩雅、天堂鳥及Super Girls昨日到銅鑼灣出席工展會活動。連詩雅自嘲是「師奶仔」，每年必定抽時間行工展會，平日購物亦會四出格價：「之前屋企要換傢俬，我都睇咗成10次先落決定，一定要所有嘢都fit晒先買。」連詩雅坦言不會與男朋友拍拖血拼，她說：「我會覺得好大壓力，所以我唔鍾意同人行街，但係我淨係慳自己，送禮物畀朋友、屋企人就唔會格價。」