周永恒昨日罪成候判，太太趙頌茹在這段分居期則努力頴銀養家，母兼父職照顧一對囡囡，她昨日更港澳連走兩騷賺生活費。
Roy昨早身處法院，同時間阿Yu則在長沙灣出席「毛織大滙演2015」發佈會，她稍後會為滙演行騷。受過家暴陰影，問阿Yu上台是否可重拾自信？她說：「我做乜嘢都可以搵到自信，現階段好好，好開心，可以諗吓自己條路點行。」
「同佢已告一段落」
阿Yu指沒跟Roy聯絡，她說：「因為係案件，唔可以聯絡，多謝你哋同我講（指判決結果），咁快知道呢個消息太好。」阿Yu此刻只想好好保護兩名女兒，她堅決表示會離婚，她又說：「分居中，初步要兩年，如有得傾就會快少少。」
阿Yu活動後偕經理人趕到上環信德碼頭，準備坐船到澳門出席晚上一個活動擔任抽獎嘉賓，兩女先往嘆咖啡，然後再逛化妝品店，阿Yu全程心事重重。
入閘前，記者上前訪問，阿Yu一臉愕然，就裁判官斥Roy不成熟，她無奈語塞尷尬說：「唔知呢，分開咗啦，唔知佢𠵱家係點，但係……」對Roy失望嗎？她說：「我覺得件事，我同佢已告一段落，希望佢未來，佢自己嘅路，佢自己知點做。」可擔心母女再受騷擾？阿Yu說：「未判我唔知，我好相信香港司法制度，交畀個官。」
這時經理人見狀拉阿Yu離開，記者指小三Ruby有隔空鼓勵Roy，阿Yu不願多談：「呢個我唔知道。」有指Ruby還瞓了阿Yu大床，阿Yu說：「我對呢啲嘢冇感覺。」Roy經常與Ruby出雙入對，可怕影響一對女兒，阿Yu說：「小朋友大咗會知道，佢哋爸爸應該知點做。」阿Yu是否想有新的人生，她即說：「冇錯，冇錯。」
採訪、攝影：溫敏芝、譚倩宜、仇志德