喺台灣發展嘅日台混血女藝人Makiyo前年同日籍前男友醉酒打人，之後曾經發誓戒酒，不過今年10月就再畀人影到個醉貓樣。
破戒一次，咁點會冇第二次？前排Makiyo就又再被影到喺北京同個內地富商豪飲，噚日記者打畀佢，佢就話只係打招呼式敬咗一下酒，冇「豪飲」咁誇張。報道又講到Makiyo同個富商不時咬耳仔，十足熱戀中嘅情侶，富商仲送咗好大紮花畀Makiyo！呢點，Makiya就直認有收花，但就同個富商劃清界線，聲稱唔知點解人哋送花畀佢，令佢有啲尷尬。其實會唔會成日畀人見到個飲醉酒嘅失儀樣...仲尷尬呢？