星期一收到光頭仔打嚟傾幾句，佢問點解成日介紹人要「大」，我話光頭仔，如果場波10分鐘入咗3球你仲睇唔睇，佢即刻唔出聲。我跟住又話，我今個星期又有大嘢喇！今晚維拉（圖）主場對曼聯應該入球偏少，皆因維拉最近攻擊力一般，近8場只有4場入到1球，曼聯方面有西班牙門神迪基亞上晒身，上仗對利記單刀都封晒，而且法卡奥狀態終於調整好，應該有得踢，但估計冇咁快有表現，再者入球「細」有1.82倍唔多似，所以角球「大」2.15倍博佢好分啲。
另一場熱刺對般尼入球就要有1.72倍嘅「大」，蘇斯克查大讚熱刺基斯甸艾歷臣係最強中場，又助攻又入到波，前途無限，亦有傳卡塔爾政府想收購熱刺，再打造為英格蘭版巴黎聖日耳門，所以一定要打爭氣波，般尼近3場作客表現麻麻，今晚兩場開「大」乘埋有3.7倍，正呀。
光頭仔冇得駁嘴，即轉話題問我近排有幾支馬拉隊嚟香港集訓同友賽，有球會上報埋畀足總㖭，一時間好似好熱鬧，仲問有冇問題；我話純粹友誼波當然冇問題，但如果有人叻唔切又話要報足總，又話要形式化咁就大件事喇，光頭仔聽完靜咗。我跟住講：「成班馬拉仔都係用旅客身份入境，同你友賽可能有關部門就唔理你，但如果要上報，又要監場咁就有麻煩，最基本就係違反逗留條例喇，明未？」
文：本地職業領隊
耳聽八方 專收好料
識睇，一定係睇足英台【英波Live】：
http://soccer.appledaily.com
http://bit.ly/engballlive