一張穿警服及血流披面的港視劇《Night Shift》劇照，曾被網友瘋傳，並稱佔中人士襲警，令38歲港視藝人胡烱龍由寂寂無聞變成「一相成名」，日前胡烱龍接受專訪時無奈說：「朋友同我講張相去咗《TIME》，冇啦啦變咗international！得啖笑，搞到咁大件事！」
放棄做警察從影
胡烱龍入娛圈前曾為警界效力4年，後來為演戲夢想放棄做警察。可惜00年加盟無綫後一直沒機會發揮，於是前年跳槽港視，近日他在《選戰》和《警界線》都有份演出，胡烱龍說：「喺港視拍嘢可以同導演好好溝通，發揮係多咗。」然而，放棄做警察的他卻經常扮演警員，如《選戰》中他飾演幹探，後被李心潔所累而坐監，胡烱龍說：「因為我曾經受過真正訓練，形態會唔同，好多時監製都想擺我入戲內，有種真實感
撰文：卓寶花
