無綫（TVB）最近不僅劇集收視下挫，原來黃金時段綜藝節目也受牽連，由衞志豪、蔣家旻和陸浩明主持的外購包裝節目《尋謎博物館》，上周三（10日）第二節更跌到13點（約84萬觀眾），為該時段歷史新低。
據悉該節目原定播出15集，但因收視不滯，大台已低調將節目腰斬，只播映9集至上周四（11日）便結束，並製作《萬千星輝頒獎典禮 王者駕到》頂上；負責購買該節目的節目部總監何冠中，大前日突被管理層逼令無限期放假，此外亦發出內部通告，指其職務將由總經理助理杜之克接掌，有傳事件與收視不滯有關。
節目總監「被放假」
記者昨致電何冠中，他承認要他突然「放假」，但沒道明原因，他說：「淨係叫我放假先，直至另行通知，我又唔覺得我做錯任何嘢。」傳事件與《尋》片有關，他說：「如果係收視有關都好無奈，《尋謎博物館》唔係我話要買嘅，亦唔係我話想做，係製作部買嚟包裝，係公司叫我哋去聯絡去買。翡翠台收視好唔好，programing我哋都好被動，我哋都係盡力而為，但節目內容我都管唔到㗎嘛！你明唔明呀？最近收視唔好，我覺得有種種原因，噚日收視都好番啦，節目編排都係嗰啲節目嚟㗎，只係話上個月咁差，我歸咎因為佔中問題，好多觀眾去咗睇新聞台，但公司會唔會覺得要搵人嚟頂，我唔知呀。」
對於舊愛將何冠中被逼令放假，陳志雲昨說：「作為朋友我都有打電話畀佢、安慰佢。」有傳無綫為收視找人祭旗，陳志雲表示未有聽聞。
採訪：魯吉