工聯會因為含淚支持男士侍產假得3日嘅時候，被喪鬧出賣工人利益，原來今個月9號，狼英約工聯會領導層，包括會長林淑儀、理事長吳秋北等，去特首辦見面，當時狼英猛話建造業界好難請人嘅問題，雖則隻狼冇講明，但有與會者一口咬定隻狼肯定係想輸入外勞，仲推斷隻狼已經同商界傾過。
點解工聯會𠵱家先爆呢單密會？八方大膽假設，一係就唔想工聯會硬食多一次支持輸入外勞，一係就想轉移視線，等大家唔好糾纏喺侍產假件事。雖然工聯會話叫咗政府分段推出工程，但呢個政府會聽咩？若然最後勞顧會批咗輸入工人，工聯會咪又係好似侍產假咁，喺立法會投棄權票算！