【本報訊】前政務司司長許仕仁罪成，不少與他相識的前高官、政界人士均感欷歔。
許是官場少有的「橋王」，不少現任或前任高官均十分尊敬他，不少人感嘆，許一直想做政務司司長，故中央邀他「出山」，許終應允，結果卻埋下遭檢控的伏線。
「以為佢有家底」
有認識許仕仁的前高官稱，許的能力、人緣在官場中廣受肯定，不少前高官均暱稱他「許老爺」，「如果唔係今次呢件案，好多人以為佢有家底，可以咁享受生活，冇諗過錢係咁嚟」。
另一前官員稱，許一直認為自己勝任政務司司長，「但係佢知陳太（陳方安生）唔鍾意佢，董生（董建華）冇當佢係自己人，所以離開官場搵真錢」。
正正由於許對未能做政務司司長有遺憾，所以當廖暉找許做政務司司長，他毅然出山，「佢好信一個師傅，成日話算到自己唔做得特首，一做就唔掂，但做第二把手冇問題，所以佢先答應做政務司司長，叫做還個心願」。
但重返官場，卻為許仕仁遭檢控埋下伏線。有認識許仕仁的政界人士感嘆，若許未有重返政府，「或者廉署要告得入佢都冇咁易」。