早排喺街頭同「總裁」啜爆，上過幾日娛樂新聞頭條嘅𡃁模「人造人」，出完本寫真集之後冇乜起色，最叻都係喺電影裏面做吓串星，但呢啲𡃁模生命力頑強，好識自己製造新聞，仲會不停打電話頴撈。早輪人造人難得有套西片搵佢去首映，低胸谷盡出鏡差唔多係指定動作，難得個靚仔外籍男主角亦在場，佢當然攝到盡咁去影相，最衰人哋唔知你邊位，基於禮貌自然係影咗先，結果出到嚟所有有男主角嘅相都見到人造人，仲要張張攝正喺中間，最慘係連在場公關拉極佢，佢都唔肯走嗰下面皮厚至抵死！撰文：關仁