現年33歲嘅劉心悠早前拍內地劇《步步驚心》演女主角劉詩詩嘅家姐「馬爾泰若蘭」，由於劇中優雅溫柔嘅裝扮，喺內地人氣急升，仲被封「最美 古裝扮相」，同時又係網民力捧嘅心悠BB，平日講嘢陰聲細氣、笑容甜美，一雙圓圓大眼、兩頰酒窩，真係迷倒唔少宅男。
但心悠BB近日接受內地媒體訪問，被網民發現佢塊面同以前唔同咗，唔止V面變圓，又被指兩邊面部肌肉鬆弛、「法令紋」明顯、下巴歪斜，網民覺得心悠 BB成塊面睇落老咗，搞到fans好心痛，點解心悠BB個樣變化咁大，亦有網民估佢疑似變臉或打Botox失敗，唔通真係女神形象幻滅!?
心悠BB昨日出席活動時，就解釋番「面鬆」之故，佢話:「係呀，夜晚飲多咗水會腫，人類嘅能力係無力反抗地心吸力。」對於有網民懷疑BB曾 變臉，BB就話:「如果整咗又鬆，咪好失敗？我都知觀眾想睇美觀嘅嘢，但我自己都係人類，都有狀態差嘅時候0架。」答得好大方得體呀!