和平佔中由提出到自首，前後兩年，三子噚日講開運動點滴，原來三子太太竟然有意外收穫。陳健民笑言過去兩年成日被跟蹤，入侵電腦，被揭「收錢」都係熱心市民捐，唔係來自外國勢力，挖唔到乜嘢醜聞，三子太太都抹一把冷汗呀。
其實自己發起佔中運動，三子所受壓力不足為外人道，戴耀廷話最難過係曾經有一個上咗年紀男子帶住小朋友喺佢面前經過時話：「佢係（戴耀廷）衰人，認住佢。」佢覺得對方咁做會影響下一代對真善美嘅看法。朱耀明就慨嘆佔領期間最難過係有人喺佢個仔住所外貼大字報，個孫又被跟蹤偷拍，佢話參與民主運動30年都未經歷過，好似係文革時期先會發生。