【壹週刊】爆炸毒餌案，警方從疑兇家中搜出捕獸器和野豬肉，但只以「管有爆炸品」起訴疑兇；其實，爆炸毒餌的目標好可能係野豬，但虐畜罪比管有爆炸品刑罰輕得多，野豬真係命賤……
爆炸案發生後，香港野豬關注組成員，增加上山搜尋可疑毒餌和非法捕獸器的次數和範圍；香港政府將野豬列為害獸，漁護署亦指野豬並非受香港受保護野生動物，及缺乏天敵如老虎，繁殖速度快，並會破壞環境和農作物，威脅人類。
關注組和一些市民都異口同聲話，其實野豬並唔恐怖，只係被妖魔化太耐。大圍一條常見到野豬的屋邨，街坊何伯就慨嘆野豬愈來愈少，「原本豬媽媽帶住4隻BB，但最近得番2隻，夜晚有人用（捕獸）夾來夾豬」。
政府認為以射殺來控制野豬數量最為行之有效，香港現時亦有兩支政府認可的民間野豬狩獵，出動次數頻繁，Roni就質疑狩獵隊有否跟足指引。
關 注組到不同地點派宣單，宣揚人類能和野生動物共存， 但曾遭某些村民激烈反對，而反對原因竟然係，「野豬食咗祖先墳墓拜祭嘅水果。但其實並無要脅到人類安全，呢個唔應該成為射豬嘅理由」。關注組希望政府可參 考英國的做法，建議政府以 TNVR（捕捉、絕育、放回）取代狩獵。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/