【壹週刊】身形瘦削，一頭鬈曲長髮的維維，坦言十七歲已經單拖赴約攝影師到酒店拍攝內衣照，「嗰時流行私影搵快錢，人人都咁做，時間彈性，最重要是即時付款。」她從手機的交友apps找攝影師，一小時賺八百至二千元，對於無工作經驗的年輕少女來講真是一份筍工。
她不諱言，私影時經常遇到變態龍友，「多是上了年紀、大肚腩兼四、五十歲的大叔。」
她還說有一次拍攝內衣照期間，該攝影大叔突笑淫淫說好熱，又要除衫，又除褲，她自認反應快，即時說︰「我都知你好熱，我諗冇邊個見到我著成咁會唔熱囉！」
見到該大叔有意除掉底褲時，她竟還能笑着回應︰「得喇！除剩條底褲好喇！我唔想睇呀！如是者頂埋嗰半小時，即刻收錢走人。」避過一次還未知驚，豈料又遇變態佬，「試過有個攝影師影影吓相，話忍唔住要自瀆，我即刻走入洗手間，叫佢唔好俾我見到就算。」
維 維為搵快錢，一於少理危機，更愈說愈起勁，大爆內衣及裸照私影界中，有一項潛規則，就是影相收錢要包括提供性交易，「基本上十個有九個內衣、裸照攝影師， 都會在拍攝中途要求model提供性交易，佢哋會不停游說你加錢性行為，又或者加錢叫你幫佢手淫。」現在十九歲的維維，回想起過往種種，慶幸未曾被強行侵 犯，如今才驚覺恐怖危險。自認年紀小危機意識低，卻堅守絕不賣身「我唔會做妓女」。她提醒有意做私影工作的女生︰「出咗事一定要自己承擔後果，有啲嘢係你 自己揀，你預咗係危險。」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/