專為粉絲而設的全新專輯《粉私影》，主要揭露各支香港官方英超球迷會，一些鮮為人知的爆笑趣事及感動專題，今集便訪問了香港車路士官方球迷會的Tommy，向大家分享他為車仔的無私奉獻。
03年開始做「車迷」的Tommy，自爆當年因皇家馬德里來港，而隊中的法國防中馬基列尼剛巧加盟車路士，從而開始認識藍戰士。Tommy解釋：「03年皇馬嚟香港，我咁啱睇到一單轉會新聞，就係馬基列尼加盟車路士，皇馬咁勁佢都唔踢，要踢隊唔知咩嚟嘅車路士？之後就開始留意車路士。」
已是球迷會幹事的Tommy，由300磅大肥仔變身現時做型男，在08年車路士亞洲之旅（澳門站）中，曾擔任球會的吉祥物。由於當時正藉夏天，Tommy坦言大汗淋漓：「都焗咗3個鐘頭，原本買咗飛睇波都冇得睇，因為做吉祥物要周圍走；最後大會送咗件有全隊簽名嘅波衫畀我，但之後我轉送畀其他會員。」不介意「白做」吉祥物，不埋怨沒法觀看球賽，Tommy為了車仔可以去到好盡。
車仔隊長泰利是Tommy最愛的球星，就連自己開設的PR廣告公司，也是以「JT」（John Terry縮寫）命名。Tommy更補充：「車路士08年嗰次亞洲之旅有兩站，一站喺廣州，一站喺澳門。其實廣州嗰次泰利幫我影咗相簽過名，之後澳門站喺球員通道又撞到佢，佢仲叫我唔使咁緊張，仲話記得喺廣州幫我簽過名同合照呀！」
球壇最火辣消息與趣聞，盡在【足英台】：
http://soccer.appledaily.com