大台成日畀人話「是旦」，但原來以前唔係咁o架！鄧特希就憶述當年做資料搜集嘅情況︰「有一組人係專門做資料搜集嘅，我嗰個年代都有，譬如我去做關於法醫嘅劇，佢哋會帶我哋去睇解剖，參觀晒整個解剖過程！」要拍得好，就一定要事前工夫做到足，大台上次拍關禮傑飛躍兩棟樓嗰場戲，睇嚟就冇睇過成龍嘅表演喇！梗係啦，連成龍都表示跳唔到呀！