之前都講過李嘉誠基金會，下個月會帶傳媒與50名學生去以色列觀摩當地嘅startup公司，為咗呢個交流團，大會日前舉辦咗第二次「茶會」，除咗向學生、傳媒講講旅行須知，仲向每人派發一本英文書《START-UP NATION》，等大家做足功課先出發。
呢本書2011年出版，喺亞馬遜網上書店嘅評價有四粒半星星，作者係美國政府外交政策顧問Dan Senor。
全書總共336頁，實不相瞞，華華暫時只係揭咗幾頁，未睇晒，但根據網上書評，呢本書主要探討以色列點樣煉成咁多出眾嘅新興公司，其間又唔受人口得710萬、缺乏天然資源、戰爭連年等因素影響。
「超人」李嘉誠今次請同學與傳媒出外考察，事前準備咁充足，都算唔話得。