自言還是孩子的中五生曾健朗，在劇中飾演一名與「虎媽」太太對立的慈祥父親，痛錫一對女兒。對這個角色，他覺得好難、好煩，在參演個半月後提出辭演，「因為自細就冇同爸爸相處，唔知道爸爸係點樣」。他基於要負責任，回心轉意繼續演出，並叫了他以五個「好」字形容的父親，明晚來看他做爸爸。
「唔想見人哋有爸爸我冇」
身形瘦削的曾健朗，花名叫「牙簽」。泰籍母親生下了他便回去泰國，未有再見過，父親因要工作，把他交給姑媽照顧，後來父親在深圳再組家庭。他沒有怪責父親，「細個住喺姑媽屋企，如果要落去玩，姑媽唔俾。我會打畀阿爸，然之後佢會返完工過嚟，帶我落去玩。」說時不禁嗚咽，流下淚來。
兩父子見面不多，最近一次上月見，聚少離多，他對父親應是怎樣，仿似不太了解，老師建議他去公園觀察人家父子如何相處，「我冇去到，我唔想去。因為唔想見到人哋有爸爸、但我冇」。
「自己本身好細路仔，唔似一個大人，做嘅嘢已好難，爸爸又好少見，所以兩樣嘢都好難」。因此他決定辭演，老師開解他，加上被陳凱琪「點醒」，終回心轉意，「出晒海報，如果唔做搞『𢰸』晒，好不負責任，大家日日都咁辛苦，我覺得累咗人，咪用心去做！」
曾父聽到他要演出音樂劇，叫他加油，當然承諾會來看他演出，「佢話嗰日（明日）唔返工，夜晚會過嚟。佢喺我心目中，係好好好好好嘅人，好似天使，見佢好開心」。