【本報訊】墮海身亡的攝影師陳國雄入行逾20年，人緣甚佳，曾跟他多次合作的陳木勝導演感悲痛難過，他昨說：「我哋合作過好多戲，《新警察故事》、《掃毒》、《寶貝計劃》等等，多到數唔晒，佢同另一個攝影師潘耀明孖住拍檔，有潘耀明嘅戲佢都喺度。高佬係一個非常踏實勤奮嘅人，做嘢點辛苦都一樣咁落力。」
陳木勝續稱，昨早接獲噩耗即致電潘耀明，大家無言以對，他說不知道高佬是否不懂泳術，但「好想了解成件事係點發生，但冇人講到畀我知」。
香港專業電影攝影師學會會長劉偉強昨稱，高佬並非該會會員，但他會找跟他相熟會員協助了解遺屬需要，盡力幫忙。曾跟高佬合作《夏日的麼麼茶》的任賢齊說：「佢拍嘢好好，之後冇碰頭，好難過，希望佢家人節哀。」