【本報訊】想得出佔領行人路的點子，「茶．家」的店主當然不是普通人，在台灣長大的Nana本身是律師，為向人介紹自己所愛，在太平山街辦了「茶．家」，因為做「路霸」多次被控，即使可能因此被停律師牌也在所不惜，「唔理㗎喇，唔會因為呢樣嘢（律師牌）阻止我做一啲我覺得應該做嘅嘢」。
「茶．家」店小，室內只有10個位子，訪問的時候室外也坐了近10人，有人拿着茶在店外踱步，有街坊駐足看店家做訪問，關心小店的未來。生於台灣的Nana，把童年的回憶搬到這家店，又跟附近的Gallery及小店合作，舉辦文化活動，「台灣好自由，好多戶外空間，香港乜都唔俾，我希望客人嚟買咗嘢，出面自己隨意坐，但𠵱家連呢個機會都冇咗」。被問到「知法犯法」會否擔心影響律師資格，Nana笑了，「我諗睇吓我去到幾盡，其實冇諗過做番呢行（律師），最緊要法律嘅knowledge我仲用到」。