【本報訊】開小店的人要抗命，想飲杯茶的客人要佔路，這就是後佔領期的所謂日常。近年火熱的上環cafe「茶．家」，把原本泊滿私家車的後巷綠化為讓街坊及客人閒坐的公共空間，卻因被指佔用行人路而被食環署檢控，預料下月要關門7日。店主不忿政府扼殺創意，發起網上簽名及另類「佔領」，呼籲客人本周末帶坐墊或椅子到現場享用公共空間。
記者：張嘉雯 倪清江
三年前「Teakha茶．家」在太平山街開業，把舊車房轉化為茶品專門店，聚了大堆街坊及慕名而來的文化人，其出品的Scone被蘇施黃喻為「全港no.1 Scone」。店主Nana日前在社交媒體貼文，直言「受夠」。她接受本報訪問時表示，因有前員工向食環署惡意投訴，指該店佔用行人路，兩年來多次收到檢控，署方由最初每月巡查數次，到最近每天巡查，令她不勝其煩，決定「反擊」。
「至少令社會有關注」
她表示，開業初時不熟悉規定，曾在後巷擺放桌椅，後來知道違反法例，只在路邊、該店的牆外擺放桌椅，其餘位置則擺放了附近公園棄置的樹幹、餐廳棄置的紅酒箱，讓客人可以坐在上面休息，即使沒有幫襯的巿民也可以使用，「當初揀呢個地方都係因為有個後巷，鍾意呢度個community，weekend有flea market，雖然都係一有人嚟捉就要走鬼，好難得呢個地方做到呢樣嘢。」
食環署回覆本報查詢時稱過去12個月共接獲四宗有關該店佔用行人路造成阻礙的投訴，同期提出兩宗檢控。現場所見，該後巷泊了私家車，店家對出的一段更泊了至少5輛私家車，Nana說：「其實佢哋咁都係犯法㗎，但政府唔理咋嘛。」
她呼籲客人周末帶坐墊或椅子到現場享用公共空間，「睇吓呢個weekend啲人反應係點，希望大家唔怕煩，帶餐具、蓆同埋凳仔嚟繼續使用呢度。呢條係行人路嚟，係咪行人帶嘢嚟坐都唔得呢？」她又發起網上簽名，抗議食環署的做法，至今有近400人簽名，「長遠要做好困難，因為係要佢修改法例，我至少令社會有多啲awareness（關注），香港嘅公共空間定義係點？咩地方可以喺上面自由咁做啲嘢？」
不少食客及街坊在網上留言力撐，讚該店活化該處，又指政府選擇性執法，對堵路走私客視而不見。
