隔牆有耳:錢志健幫習總打貪 - 李八方

隔牆有耳:錢志健幫習總打貪 - 李八方

隨住佔領行動結束,佔中金融組策劃人錢志健噚日宣佈,會將組織改名為「2047香港監察」,準備就監察政府施政長期作戰,佢話事先已經通知佔中發起人戴耀廷。錢志健話喎,現有百幾名成員嘅金融組,除逾半為金融業人士外,亦有唔少法律界同中外傳媒,認為改名更貼近組織組成內容。未來組織會配合習總「打貪」呼籲,幫手發掘香港有冇人貪污同犯罪,同時亦會繼續跟進狼英收受UGL 5,000萬巨款、卻未知有無報稅一事。錢志健仲透露,改名後嘅新組織下周一晚8點到10點,會喺政總舉行聖誕福音聚會,希望為現時不怕嚴寒,仍喺政總外紮營嘅佔領人士打氣。