刀仔食榴槤呃到like，照辦（中聯辦）煮碗，一國兩制再啟蒙，唔使諮詢，直接過神探阿蒙。為了刪除雨傘運動的記憶，再啟蒙大聯盟火速換衫上馬，解散藍絲帶，措施如下：
一，公民教育，從「正常」開始。以後在MK或者金鐘塞車塞到急尿爆肛，再啟蒙大聯盟都會送出果籃慰問。果籃內附尿袋，叫你無畏無懼中尿毒，袋住先。
二，蛇齋餅糭再啟蒙版，冇升級，而係搵光頭周、雞粥強和炒蟹廖出手，等支持泛民的選民投票前考慮清楚，個黑字，點寫！（下邊那四點，隨便你recap做四點鐘許sir！）
三，真鳩嗚，再啟蒙；周街雜差密密抄，攞晒閣下的身份證和地址，到明年區議會投票時，已有N咁多人借調你的身份，投了票給李屍奄！
四，梁營大增維穩費，再啟蒙基金成立，大媽大叔攤大手板等分豬肉。再啟蒙嘉年華會搶閘落區派一蚊一台iPhone，雨傘運動休想佔領民心！再啟蒙做埋一國兩祭善終服務，雙學可以死咗條心！