家長不滿子女自我、學生投訴父母專制，飾演「邱勝男老師」的歐陽美茵，首次易地而處，感受到做老師的困難，懊悔過去曾因「唔鍾意」老師，上課中途離開課室，不理老師感受，「我𠵱家唔會走咗去，會盡量去接受佢」。
劇中開始時間是開學日，「男老師」歐陽美茵新上任，第一日Joey和另一同學穿着便服，向她交退學信，她要留住學生。情景似曾相識，「以前上上吓堂，我唔鍾意個老師，就自己『嘭』門走咗去」。
「希望爸爸記得我呢個女」
「男老師」要面對奇難雜症的學生，參與演出後，花名「小金」的美茵有如被開竅，「如果我真係老師，對住我哋呢班學生真係幾辛苦」。她作出反省，「我𠵱家唔會走咗去，每個人講嘢都有佢嘅道理，可能唔啱我𠵱家聽箒，會體會吓企喺佢立場講呢番說話有乜用」。
長大了，小金想法確有不同。父親因有外遇，在她出生前已離異，她半歲才第一次見到爸爸，這十多年來父女共同生活大概只30日。「細個好嬲，好憎佢，佢冇畀父愛我，覺得男人係好壞，唔想同男性接觸，坐交通工具如果隔籬位係男人，寧願唔坐」。不過數年前看着50多歲的父親多病，又甩牙，不再氣他，「覺得好以一句對白，點解要去到病、老時，仔女先至關心呢，開始會關心佢，都驚自己嚟唔切去愛」。她透過母親邀請父親明晚來看她演出，「好希望佢睇到佢哋（Joey跟父親）鬧交場面。因為我自己連鬧交都冇機會同佢鬧，平日好少見，得節日先見。好希望佢睇到，仲記得我呢個女」。