曳曳嘅你總有機會上網睇過外國劇集，每次見到嗰啲中文字幕嘅時候，有冇諗過係邊個咁好心加上去呢？徐緣對呢班繙譯字幕嘅仁兄就予以充份肯定︰「喺國內《Big Bang Theory》好多人睇o架，佢哋即刻繙譯，即刻有晒中英文字幕，雙語o架！」連Tanya都要搶住畀like︰「我覺得嗰啲繙譯真係好厲害！」
徐緣繼續大讚︰「唔只咁，有啲特別情況，譬如唔知咩叫「茶黨」，上面會寫住「茶黨」係啲乜，或者某個政治事件，上面都有注釋，等你唔駛去Wikipedia搵答案！」網絡神人多，連金牌監製今勻都要寫個服字︰「我真係唔明呢班究竟係乜嘢人嚟！」
今晚11:00《亂噏24》足本版！整字幕係乜人？