公民黨立法會議員陳家洛周一因為參與佔領第二次被捕後，被警方扣留9粒鐘才獲釋，家洛話當日警方由邊境地區調動警員到北角警署幫手落口供，對相關程序似乎不太認識，除咗問佢「執」字點寫，又將「obstructing」寫錯成「oustructing」，其後仲將佢170cm高寫成175cm，為佢突然「增高」。
家洛最傷心嘅係佢被捕時，屋企養咗12年嘅貓女突然離世，見唔到貓女最後一面，佢一對孖女都非常傷心。但家洛嚟緊都有開心事，就係佢喺華沙讀緊國際關係嘅大女，聽日會返港慶祝18歲生日，佢已經諗好叫囡囡登記做選民，用選票發聲。