西班牙盃32強次回合，兩支西甲球隊爭出線，馬拉加迎戰拉科魯尼亞。兩軍首回合踢成1:1，馬拉加近況理想，連續兩場比賽小勝，加上有主場之利，所以看好他們可以贏波。若嫌主W太熱，可冷敲「讓球主客和」[-1]「和局」。
在首回合，馬拉加靠伊拿斯奧甘馬曹先開紀錄，但之後被拉科的杜捷追平，踢成1:1，馬拉加有作客入球形勢佔優。今仗回到主場，相信馬拉加不會踢得保守，力求贏波出線。馬拉加踏入10月後曾錄得5連勝，但之後對實力超班的馬德里雙雄，才兩連敗。不過，他們已經回勇，近兩仗都贏波，包括在聯賽以1:0贏過拉科，上仗就在主場同樣以1:0擊敗切爾達。再者，馬拉加今季主場成績不俗，取得5勝2和1負，僅敗予皇家馬德里，踢和過巴塞隆拿，所以今場秤先馬拉加。
然而，今季馬拉加贏波甚少大勝，通常都是「煲魚生粥」。他們今季贏過8場波，其中4場贏1:0，3場贏2:1，多達7場以1球之差贏波，所以今場不妨冷吼「讓球主客和」[-1]「和局」。另一方面，拉科上場聯賽贏艾爾切，結束連續7場不勝，但他們近期攻力疲弱，近8場僅入3球，相信今仗都凶多吉少。
賽制：採主客兩回合制，若總比數打和，作客入球多者勝。仍和則加時，若加時雙方入球數相同，作客一方晉級。若仍和即互射12碼。
文︰咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive