「我要真普選」五粒字熱爆全港，睇到左派心寒，本周六慶祝63周年校慶嘅觀塘福建中學，疑似患咗「我要」恐懼症，學民思潮運作新聞網站日前報道，收到一名福中學生投訴，話學校每年校慶比賽活動，今年題目係「門圖」，即係要學生佈置班房門。
有班別以「我要真普選」藍本設計出「我要慶校慶」，點知本月9號評審前，班主任一個人決定河蟹咗度門，變成普通到唔普通嘅「齊齊慶校慶」，唔可以「我要」。有人隻手遮天，同學仔嬲爆，報料同學引述班主任話，呢個活動唔係表達意見地方，叫學生諗吓自身所在係乜嘢學校，「畫公仔就唔好畫出腸」。唔通左派學校，都要喺左派框架下篩選創意？可惜校長林建華話唔知件事喎。