上星期，動主播吉吉同Ah Gi踩上新晉組合「新青年理髮廳」Studio，惡搞自己歌，更一齊jam歌。今集佢哋就大爆成員之間嘅內幕！
「新青年理髮廳」為三人組合，一支結他加兩把人聲，加上特別嘅設計，曲風清新，歌詞抵死，貼近本土生活文化，令唔少人都產生共鳴。雖然為三人組合，不過一直於訪問中，都只見兩位成員出員出現，主持人好奇一問下，得知原來另一位成員Showroom有遲到習慣，佢哋即時大爆Showroom內幕話：「佢不嬲都係咁，所以我哋為佢寫咗首歌，講佢遲到搞到我哋都習慣晒，不過佢冇得嬲，因為佢今日都冇嚟到，哈哈...」雖然佢哋毫無保留地大爆Showroom內幕，不過其實可見佢哋三位成員感情非常好。
「新青年理髮廳」被問到將來目標時，成員區陽抵死話：「希望快啲做完訪問。」令主持人開懷大笑，最後「新青年理髮廳」更即場唱歌《隨風》，即刻睇下佢哋唱Live嘅功力啦！