拍劇啲題材喺邊度嚟？金牌監製話其實會留意社會動態︰「我哋以前做workshop，其實大家仲會考慮到社會環境，例如整個社會環境似乎好浮躁、似乎有啲不滿嘅情緒，咁我哋係咪要做多啲喜劇，畀觀眾睇下，等佢哋有個機會發洩，有個窗口畀佢哋鬧吓？」
得啖笑就梗係大家都鍾意啦，但通常用咩題材包裝？鄧特希就記得呢套劇︰「嗰時同梁家樹一齊去度，設計一個《新難兄難弟》，因為當時社會環境，好似有一種好懷緬以前美好嘅感覺！我哋就將粵語長片裡面荒謬嘅嘢，放入套劇入面，試吓做嚟睇吓！」唔知點解人類總係鍾意懷緬以前？莫非「當下」真係咁不濟？徐緣都忍唔住講返句︰「其實o依家都係o架！」
明晚11:00《亂噏24》足本版！拍劇體現社會環境？！