【本報訊】在租金不斷上漲的壓力下，巿民正面臨食肆浪接浪的加價潮。在九龍灣工業區上班的OL發現，大家樂集團旗下一間Cafe，雖然標榜着大家樂快餐推介的「天天超值」早餐，但在過去一年已經加價三次。
獨市生意 OL冇得揀
就連立法會議員陳家洛都慨嘆中產亦要「勒緊肚皮」，將早午餐二合為一。餐飲業界稱大集團壟斷人流最旺舖位，巿民只能無奈接受加價。
在九龍灣工業區工作的OL賴小姐，因公司位置偏遠，只有一間酒樓和大家樂集團旗下OCTA CAFÉ快餐店可供選擇，一星期至少光顧四次。
她最近發現單是早餐原來一年間已不知不覺加價三次，以「天天超值」早餐為例，火腿絲扭紋粉及腿腸多士配熱飲，去年底是20元，但現時已加至22.5元，升幅達12.5%，她無奈說：「覺得我哋俾人剝削緊！」
《蘋果》記者早前巡查旺角、金鐘大家樂其他分店，發現同一個「天天超值」的火腿通粉早餐，巿區的大家樂售價為22元，比起九龍灣的OCTA CAFÉ售價22.5元平5毫。
平日經常光顧金鐘大家樂的OL梁小姐亦發現同樣有加價情況，「今年好似已經加咗兩次！」
陳家洛早午餐二合一
事實上，大家樂去年全年純利創新高，達到5.81億元，今年中期純利錄增長，但仍繼續加價。香港餐飲聯業協會會長黃家和指，其實業界今年加幅已較往年溫和，大約5%，但大集團加幅會較中小型快餐店高，「大集團租到嘅舖都係旺舖，差唔多係顧客必經之地，佢有咁嘅加價能力，巿民都係無奈接受」。
「中產都要睇住荷包！」立法會食物安全及環境衞生事務委員會成員陳家洛慨嘆，20多元早餐買少見少，即使加價後份量亦比之前少。「火腿比以前細塊，煎蛋比以前縮水，多士比以前切薄啲，唔單止貴，仲食唔飽」。
陳家洛外出工作時更會將早餐及午餐二合為一同食：「喺屋企咬塊白麵包頂住，到11點鐘先食二合一，原因當然係為咗慳錢啦。」
大家樂發言人表示，OCTA CAFÉ屬於大家樂集團旗下泛亞飲食營運，今年的食材、租金以及人工等成本均有上升，曾經就個別食品加價三次，當中包括「天天超值早餐」及雞扒早餐，每次調整為5毫至1元。
